Markamaskínan Vivianne Miedema skoraði tvennu þegar Holland vann 8-2 sigur á Kína á Ólympíuleikunum í dag.
Miedema bætti með þessu met. Hún er núna sá leikmaður sem hefur skorað flest mörk á einum og sömu Ólympíuleikum. Hún er búin að skora átta mörk á þessum leikum; mörk á 22 mínútna fresti sem er magnaður árangur svo ekki sé meira sagt.
Riðlakeppninni í fótbolta kvenna var að ljúka og er það núna ljóst hvaða lið mætast í átta-liða úrslitunum.
Holland vann F-riðilinn og Brasilía hafnaði í öðru sæti með naumum sigri á Sambíu, sem hefur slegið í gegn á mótinu. Sambía endaði í þriðja sæti riðilsins og kemst ekki áfram.
Bretland vann A-riðilinn með jafntefli gegn Kanada. Bretland endaði með sjö stig, Kanada með fimm og Japan fjögur. Japan og Ástralía fara áfram sem tvö bestu liðin í þriðja sæti.
Svona verða átta-liða úrslitin:
Bretland - Ástralía
Svíþjóð - Japan
Holland - Bandaríkin
Kanada - Brasilía
8 - Vivianne Miedema has scored 8 goals in just 177 minutes of football at the Tokyo @Olympics, scoring every 22 minutes on average - this is already the most goals by a female player at a single Games. Superior. pic.twitter.com/3LhQUjAyXo
— OptaJoe (@OptaJoe) July 27, 2021
Athugasemdir