Eftir lokaflautið í fyrri deildarleik Breiðabliks og Víkings.
KSÍ hefur samkvæmt heimildum Fótbolta.net aftur hafnað beiðni Breiðabliks um frestun á leik liðsins gegn Víkingi í Bestu deild karla. Leikurinn er liður í 21. umferð deildarinnar og hefst klukkan 19:15 á Víkingsvelli í kvöld.
Í síðustu viku óskaði Breiðablik eftir því að fresta leiknum gegn Víkingi en KSÍ hafnaði beiðni félagsins á föstudag. Breiðablik óskaði eftir því að sambandið endurskoðaði ákvörðun sína í gær.
Í síðustu viku óskaði Breiðablik eftir því að fresta leiknum gegn Víkingi en KSÍ hafnaði beiðni félagsins á föstudag. Breiðablik óskaði eftir því að sambandið endurskoðaði ákvörðun sína í gær.
Það gerði félagið eftir að ljóst varð að Struga, andstæðingur Breiðabliks í forkeppni Sambandsdeildarinnar, fékk sínum leik í norður-makedónsku deildinni, frestað. Breiðablik og Struga eru í miðju einvígi um hvort liðið kemst í riðlakeppni Sambandsdeildarinnar.
Fyrri leikur liðanna fór fram í Norður-Makedóníu á fimmtudag og leiðir Breiðablik með einu marki fyrir seinni leikinn sem fram fer á Kópavogsvelli 31. ágúst.
Breiðablik vildi ekki þurfa að spila leik á milli leikjanna mikilvægu við Struga.
Sjá einnig:
Breiðablik biður KSÍ um að endurskoða ákvörðun sína á grundvelli sanngirnissjónarmiða
Athugasemdir
