Það var Duvan Zapata sem skoraði sigurmarkið eftir 28 mínútna leik. Juventus náði ekki að svara fyrir það og lokatölur 0-1 fyrir Atalanta í Tórínó.

Juventus er í áttunda sæti ítölsku úrvalsdeildarinnar; liðið er búið að vinna sex leiki, gera þrjú jafntefli og tapa fimm. Það eru meiri kröfur gerðar á Juventus en það. Atalanta er í fjórða sæti með 28 stig.

Inter vann mikilvægan sigur á Íslendingaliði Venezia. Arnór Sigurðsson var ónotaður varamaður hjá Venezia í leiknum.

Núna er Inter einu stigi frá toppnum, en efstu tvö liðin - AC Milan og Napoli - eiga leik til góða.

Empoli vann 2-1 sigur á Fiorentina og Sampdoria hafði betur gegn Hellas Verona, en hér að neðan má sjá öll úrslit og alla markaskorara dagsins í Serie A.

Empoli 2 - 1 Fiorentina
0-1 Dusan Vlahovic ('57 )
1-1 Filippo Bandinelli ('87 )
2-1 Andrea Pinamonti ('89 )

Juventus 0 - 1 Atalanta
0-1 Duvan Zapata ('28 )

Sampdoria 3 - 1 Verona
0-1 Adrien Tameze ('37 )
1-1 Antonio Candreva ('51 )
2-1 Albin Ekdal ('77 )
3-1 Nicola Murru ('90 )

Venezia 0 - 2 Inter
0-1 Hakan Calhanoglu ('34 )
0-2 Lautaro Martinez ('90 , víti)