Andri Lucas Guðjohnsen hefur verið orðaður við sænska félagið IFK Norrköping sem er í leit að sóknarleikmönnum. Arnór Sigurðsson hefur einnig verið nefndur til sögunnar sem og fleiri framherjar.
Sjá einnig:
Guðjohnsen bræður á förum frá Real Madrid?
Tony Martinsson, yfirmaður íþróttamála hjá Norrköping, var spurður út í Andra Lucas.
„Ég hef ekkert um þetta að segja. Við könnumst við marga íslenska leikmenn og könnumst líka við nafnið hans," sagði Martinsson, og viðurkenndi svo að félagið væri í leit að framherja.
Norrköping er í 10. sæti sænsku deildarinnar með 15 stig eftir 11 umferðir.
Ari Freyr Skúlason spilar fyrir liðið og þá eru Óliver Stefánsson og Jóhannes Kristinn Bjarnason samningsbundnir félaginu.
Athugasemdir