Guðmundur skrifaði undir samning út árið.
Davíð Smári tók við sem nýr þjálfari Njarðvíkur eftir tímabil.
Guðmundur Magnússon gekk í raðir Njarðvík í gær og skrifaði undir samning út árið við félagið. Hann hefur verið samningslaus frá því hann yfirgaf Fram í upphafi árs en á síðasta tímabili lék hann með Fram og síðar með Breiðabliki seinni hluta tímabils.
Njarðvíkingar hafa verið afar öflugir á leikmannamarkaðnum í vetur og er ljóst að félagið stefnir á að tryggja sér sæti í efstu deild.
Stefán Marteinn Ólafsson, fréttaritari Fótbolta.net, ræddi við Guðmund í tilefni félagaskiptanna.
Njarðvíkingar hafa verið afar öflugir á leikmannamarkaðnum í vetur og er ljóst að félagið stefnir á að tryggja sér sæti í efstu deild.
Stefán Marteinn Ólafsson, fréttaritari Fótbolta.net, ræddi við Guðmund í tilefni félagaskiptanna.
„Tilfinningin er mjög góð, ég er mjög spenntur fyrir því verkefni sem framundan er hér í Njarðvík. Þetta er búið að taka í kringum tíu daga. Við töluðum fyrst saman í byrjun janúar ég og Davíð. Ég varð strax mjög spenntur.“
„Við erum mættir hingað til að skrifa söguna og koma Njarðvík upp,“ segir Gummi en Njarðvík hefur aldrei leikið í efstu deild.
„Ég hef tvisvar tekið þátt í að komast upp úr þessari deild. Tvö mjög ólík tímabil. Í fyrra skiptið komst ég upp með Víkingi Ó. í fyrsta sinn, það var helvíti gaman. Síðan fór ég í gegnum taplaust tímabil með Fram, sem var aðeins öðruvísi. Ég reyni að nýta reynsluna úr báðum þeim skiptum í að koma Njarðvík upp.“
Var einhver sölupunktur sem þurfti að ná þér til Njarðvíkur?
„Það þurfti ekki að sannfæra mig mikið. Ég hef tvisvar áður verið nálægt því að spila undir stjórn Davíðs og við vorum sammála um það að það væri kominn tími til núna.“
Viðtalið má sjá í heild sinni í spilaranum hér að ofan.
Athugasemdir
