Leiknir Reykjavík valtaði yfir nafna sína frá Fáskrúðsfirði þegar liðin áttust við í Fjarðabyggðarhöllinni í dag.

Sólon Breki Leifsson var í miklum ham í fyrri hálfleiknum og skoraði þrennu. Sævar Atli Magnússon og Máni Austmann Hilmarsson voru einnig á skotskónum.

Staðan í hálfleik var 5-0 fyrir Breiðhyltinga sem bættu við tveimur mörkum til viðbótar í seinni hálfleik. Sævar Atli og Birkir Björnsson gerðu mörkin tvö í seinni hálfleiknum.

Lokatölur 7-0 fyrir Leikni R. „Þvílíkir yfirburðir og þeir hefðu getað skorað mun fleiri mörk," skrifaði Fannar Bjarki Pétursson í textalýsingu sinni.

Leiknir er í öðru sæti, með jafnmörg stig og Fram en mun betri markatölu. Þessi sigur í kvöld hjálpar markatölunni mjög mikið núna þegar þrjár umferðir eru eftir. Fáskrúðsfirðingar eru í næst neðsta sæti með 12 stig, með jafnmörg stig og Þróttur R. í tíunda sæti.

Önnur úrslit í dag:
Lengjudeildin: Þrjár vítaspyrnur í jafntefli á Akureyri
Lengjudeildin: ÍBV úr leik í toppbaráttunni