Díaz skrifar undir fimm ára samning en hann er 25 ára og hefur spilað fyrir Porto síðan 2019.

Hann er staddur með kólumbíska landsliðinu sem mætir Argentínu í undankeppni HM á þriðjudaginn. Hann kemur saman með nýju liðsfélögunum í Liverpool þegar því verkefni lýkur.

Hann er fyrsti leikmaðurinn sem Liverpool fær til sín í janúarglugganum en honum verður lokað annað kvöld. Hann var í tvö og hálft ár hjá Porto og lék 125 leiki og skoraði 41 mark, hann fær treyju númer 23 hjá Liverpool.