Samkvæmt danska miðinum bold.dk er Christian Sivebæk, leikmaður Viborg, búinn að skrifa undir samning við Fjölni um að leika með liðinu í Pepsi Max-deildinni.
Sivebæk er 32 ára gamall sóknarmaður sem getur leyst stöðu hægri vængmanns einnig.
Hann skoraði sjö mörk og lagði upp sex fyrir Viborg á þessari leiktíð. Viborg er í næstefsta sæti næstefstu deildar í Danmörku.
Fjölnir er í næstneðsta sæti Pepsi Max-deildarinnar eftir þrjár umferðir. Næsti leikur liðsins er gegn Fylki á heimavelli á laugardag.
Athugasemdir