Danski markvörðurinn Christoffer Petersen hefur skrifað undir samning við HK sem gildir út tímabilið en þetta kemur fram í tilkynningu frá félaginu í dag.
Petersen er 26 ára gamall og spilaði seinast með Kolding í B-deildinni í Danmörku. Þar var hann liðsfélagi Davíðs Ingvarssonar og Ara Leifssonar.
Áður spilaði hann með Helsingör og Næstved, en hann á yfir 100 leiki fyrir liðin í næst efstu og þriðju efstu deild í Danmörku.
HK-ingar hafa verið í dauðaleit af markverði eftir að Arnar Freyr Ólafsson sleit hásin. Stefán Stefánsson, efnilegur markvörður liðsins, stóð í markinu í 5-1 tapinu gegn Víkingi á dögunum, en nú hefur félagið fengið inn mann til að fylla skarð Arnars.
Petersen mun klæðast treyju númer 1 hjá HK og verður væntanlega klár í slaginn gegn KR er liðin mætast í Kórnum í Bestu deild karla í næstu viku.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 22 | 15 | 4 | 3 | 56 - 23 | +33 | 49 |
| 2. Breiðablik | 22 | 15 | 4 | 3 | 53 - 28 | +25 | 49 |
| 3. Valur | 22 | 11 | 5 | 6 | 53 - 33 | +20 | 38 |
| 4. ÍA | 22 | 10 | 4 | 8 | 41 - 31 | +10 | 34 |
| 5. Stjarnan | 22 | 10 | 4 | 8 | 40 - 35 | +5 | 34 |
| 6. FH | 22 | 9 | 6 | 7 | 39 - 38 | +1 | 33 |
| 7. Fram | 22 | 7 | 6 | 9 | 31 - 32 | -1 | 27 |
| 8. KA | 22 | 7 | 6 | 9 | 32 - 38 | -6 | 27 |
| 9. KR | 22 | 5 | 6 | 11 | 35 - 46 | -11 | 21 |
| 10. HK | 22 | 6 | 2 | 14 | 26 - 56 | -30 | 20 |
| 11. Vestri | 22 | 4 | 6 | 12 | 22 - 43 | -21 | 18 |
| 12. Fylkir | 22 | 4 | 5 | 13 | 26 - 51 | -25 | 17 |
Athugasemdir
