Lookman til Fulham (Staðfest)

Fulham hefur fengið kantmanninn Ademola Lookman á láni frá þýska félaginu RB Leipzig.

Hinn 22 ára gamli Lookman fór frá Everton til Leipzig árið 2018 á láni og í fyrra keypti þýska félagið hann síðan.

Lookman hefur ekki náð að festa sig í sessi hjá RB Leipzig og hann er nú mættur aftur til Englands á láni.

Nýliðar Fulham hafa verið í basli i byrjun tímabils og tapað öllum þremur leikjum sínum í ensku úrvalsdeildinni.