Kanadíski bakvörðurinn Alphonso Davies hefur verið sektaður og missir þá bílprófið í mánuð fyrir að keyra undir áhrifum áfengis en þetta kemur fram í grein Athletic.
Davies, sem er á mála hjá Bayern München, var stöðvaður af lögreglunni á fimmtudagsmorgun og látinn blása, en hann mældist með 0,6 prómill en lög í Þýskalandi segja að allt yfir 0,5 sé sekt og að minnsta kosti tveir punktar á ökuskírteinið.
Samkvæmt Athletic missir Davies bílprófið í mánuð og fær tvo punkta á ökuskírteinið en ekki kemur fram hvað hann þarf að greiða háa sekt.
Lögreglan handtók ekki Davies. Vinur leikmannsins keyrði bifreiðina heim.
Bayern München á mikilvægan leik gegn Borussia Dortmund í þýsku deildinni í dag og er gert ráð fyrir því að hann verði í byrjunarliðinu.
Athugasemdir
