West Ham 2 - 5 Arsenal
0-1 Gabriel Magalhaes ('10 )
0-2 Leandro Trossard ('27 )
0-3 Martin Odegaard ('34 , víti)
0-4 Kai Havertz ('36 )
1-4 Aaron Wan-Bissaka ('38 )
2-4 Emerson ('40 )
2-5 Bukayo Saka ('45 , víti)
Arsenal lagði West Ham í ótrúlegum leik á heimavelli West Ham í kvöld.
Arsenal hefur verið gríðarlega sterkt í föstum leikatriðum undanfarin ár en Gabriel kom liðinu yfir eftir hornspyrnu frá Bukayo Saka en þetta var 20. mark Arsenal eftir hornspyrnu frá upphafi síðustu leiktíðar og fimmta mark Gabriel.
Leandro Trossard bætti við öðru markinu aftur eftir undirbúning Saka og Martin Ödegaard bætti við þriðja markinu úr vítaspyrnu eftir að Lucas Paqueta hafði brotið á Saka innan teigs.
Svo tók við athyglisverður sex mínútna kafli því á 36. mínútu skoraði Kai Havertz og virtist hreinlega vera búinn að gera út um leikinn. West Ham gafst hins vegar ekki upp því Aaron Wan-Bissaka klóraði í bakkann en hann hefur því skorað í tveimur leikjum í röð.
Tveimur mínútum síðar skoraði Emerson glæsilegt mark beint úr aukaspyrnu.
Á lokasekúndum fyrri hálfleiksins fékk Arsenal vítaspyrnu en í þetta sinn fór Saka á punktinn og skoraði fimmta mark liðsins.
West Ham beit aðeins frá sér í upphafi seinni hálfleiks en Michail Antonio átti skot sem fór af varnarmanni og framhjá. Heimamenn vildu fá vítaspyrnu þegar Danny Ings og Jakub Kiwior voru í baráttunni inn á teignum en það var réttilega ekki dæmt.
Stuðningsmenn Arsenal tóku eflaust andköf í tvígang í seinni hálfleik þegar Bukayo Saka og Martin Ödegaard virtust sárþjáðir eftir að bortið hafði verið á þeim en þeir héldu áfram þangað til Mikel Arteta tók þá ákvörðun að taka þá af velli. Frábær vakt hjá þeim í kvöld.
Danny Ings var hársbreidd frá því að klóra í bakkann í uppbótatíma en hann átti skot rétt framhjá og engin mörk voru því skoruð í seinni hálfleik eftir ótrúlegan fyrri hálfleik.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 12 | 10 | 1 | 1 | 24 | 8 | +16 | 31 |
| 2 | Arsenal | 13 | 7 | 4 | 2 | 26 | 14 | +12 | 25 |
| 3 | Man City | 12 | 7 | 2 | 3 | 22 | 17 | +5 | 23 |
| 4 | Brighton | 13 | 6 | 5 | 2 | 22 | 17 | +5 | 23 |
| 5 | Chelsea | 12 | 6 | 4 | 2 | 23 | 14 | +9 | 22 |
| 6 | Nott. Forest | 13 | 6 | 4 | 3 | 16 | 13 | +3 | 22 |
| 7 | Brentford | 13 | 6 | 2 | 5 | 26 | 23 | +3 | 20 |
| 8 | Tottenham | 12 | 6 | 1 | 5 | 27 | 13 | +14 | 19 |
| 9 | Aston Villa | 12 | 5 | 4 | 3 | 19 | 19 | 0 | 19 |
| 10 | Newcastle | 13 | 5 | 4 | 4 | 14 | 14 | 0 | 19 |
| 11 | Bournemouth | 13 | 5 | 3 | 5 | 20 | 19 | +1 | 18 |
| 12 | Fulham | 12 | 5 | 3 | 4 | 17 | 17 | 0 | 18 |
| 13 | Man Utd | 12 | 4 | 4 | 4 | 13 | 13 | 0 | 16 |
| 14 | West Ham | 13 | 4 | 3 | 6 | 17 | 24 | -7 | 15 |
| 15 | Everton | 12 | 2 | 5 | 5 | 10 | 17 | -7 | 11 |
| 16 | Leicester | 13 | 2 | 4 | 7 | 16 | 27 | -11 | 10 |
| 17 | Crystal Palace | 13 | 1 | 6 | 6 | 11 | 18 | -7 | 9 |
| 18 | Wolves | 13 | 2 | 3 | 8 | 22 | 32 | -10 | 9 |
| 19 | Ipswich Town | 13 | 1 | 6 | 6 | 13 | 24 | -11 | 9 |
| 20 | Southampton | 13 | 1 | 2 | 10 | 10 | 25 | -15 | 5 |
