Atli í viðtalinu eftir leik.
,,Ég vildi þrjú stig, en sjö mörk eru bara bónus," sagði Atla Guðnason, leikmaður FH skoraði þrennu er liðið vann ÍA með sjö mörkum gegn tveimur í Pepsi-deild karla í dag.
FH-ingar fóru illa með Skagamenn sem hafa átt gott mót til þessa. Atli Guðnason skoraði þrennu eins og áður segir. Þá skoruðu þeir Emil Pálsson, Albert Brynjar Ingason, Hólmar Örn Rúnarsson og Björn Daníel Sverrisson einnig.
,,Mér fannst leikurinn byrja skrítið. Þeir fengu fjögur færi eftir skyndisóknir í byrjun, sem að er þeirra leikur, en eftir að við skorum fyrsta markið var þetta aldrei spurning."
,,Þetta var ekkert ósvipaður leikur og Stjörnuleikurinn, nema að þeir refsuðu okkur grimmilega og skoruðu tvö mörk, en Skaginn náði ekki að skora. Við erum með góðan markvörð sem að reddaði okkur þarna tvisvar eða þrisvar, en eins og ég sagði eftir fyrsta markið var þetta aldrei spurning."
,,Ég kicksaði hann. Ég skaut í jörðina og yfir löppina á honum og boltinn rúllaði í hornið. Maður hefur alltaf trú á maður skori þegar maður skýtur."
,,Það er góður andi í liðinu og við viljum vinna leikina sem allra stærst. Þetta er að hjálpa okkur í markatölu og það er það sem hefur klikkað á síðustu tveimur árum, en ég hef ekki trú á að markatalan felli okkur þetta árið."
Atli hefur verið undanfarin ár kallaður Atli-Pepsi, en frammistaða hans í deildinni hefur oft á tíðum þótt góð.
,,Það er bara bónus í endan ef að það gengur og ég bara held áfram að spila minn leik og ef ég held áfram, þá er það möguleiki eins og allt annað," sagði hann ennfremur.
Hægt er að sjá viðtalið í heild sinni hér að ofan.
