,,Maður er frekar svekktur yfir því að við vildum ekki meira úr þessu. Við áttum þvílíka sénsa að komast í annað sætið og gera atlögu að þessu, en því miður vantaði karakter, vinnslu og baráttuna í mannskapinn okkar í dag," sagði Ágúst Gylfason, þjálfari Fjölnis eftir 2-1 tap gegn Tindastól í dag.
,,Við vorum undir nokkurn veginn og Tindastóll var ekki að spila sinn besta leik, en við náðum ekki að gera atlögu að þessu því miður og töpuðum sannfærandi. Þú þarft að hafa baráttuna til staðar í leikjum, hún var ekki í dag og þá tapar þú, nema maður sé heppinn."
,,Tindastóll gerði það sem til þurfti og voru með góða baráttu, en voru ekki að spila sinn besta leik en það nægði þeim í botnbaráttunni og koma sér aðeins út úr henni með þremur stigum."
,,Við höldum bara áfram og sjáum til. Við eigum næst heimaleik gegn Hetti og þurfum þrjú stig þar til að halda áfram í baráttunni, en frekar svekktur eftir þennan leik eðlilega. Við höfðum séns, en brettum ekki upp ermar."
,,Það eru fjórir leikir eftir og við þurfum að klára alla þessi leiki, þá er þetta líklega í höfn, en ef við spilum eins og í dag þá verður þetta erfitt. Við þurfum að girða okkur í brók, það er vika í næsta leik og við þurfum að skoða hvað fór úrskeiðis," sagði Ágúst að lokum.
Hægt er að sjá viðtalið í heild sinni hér að ofan.
