Bakvörðurinn Birkir Már Sævarsson býr sig undir annasaman vinnudag í Kænugarði á mánudaginn þegar Ísland mætir Úkraínu í fyrsta leik í undankeppni HM. Kantmenn Úkraínu eru taldir öflugustu leikmenn liðsins.
„Við höfum farið vel í gegnum þetta og erum eins vel undirbúnir og við getum orðið. Þetta er lið sem má alls ekki vanmeta. Stjörnuleikmenn Úkraínu eru á kantinum svo við mætum heimsklassa leikmönnum en erum vanir því. Við þurfum bara að vera með 100% einbeitingu allar 95 mínúturnar eða hvað það verður," segir Birkir.
„Stjörnuleikmennirnir eru oft á köntunum svo þetta er ekkert nýtt."
Birki lýst vel á Kænugarð en íslenski hópurinn kom í borgina í dag.
„Við fórum í skoðunarferð um bæinn og þetta leit mjög vel út. Þetta er mjög falleg borg og margt merkilegt að skoða," segir Birkir sem fékk þá tilkynningu í viðtalinu að það væru nautalundir framundan í kvöldmatinn.
„Ég vissi það ekki en þetta eru miklar gleðifréttir.">
Viðtalið sem tekið var í dag má sjá í heild í sjónvarpinu hér að ofan.
Athugasemdir