Keppni í Pepsi-deild kvenna hefst á fimmtudaginn. Fótbolti.net mun næstu dagana opinbera spá fyrir deildina í sumar en liðin verða kynnt eitt af öðru næstu dagana.
Spáin:
1. Þór/KA
2. Breiðablik
3. Valur
4. Stjarnan
5. ÍBV
6. FH
7. KR
8. Selfoss
9. Grindavík
10. HK/Víkingur
2. Breiðablik
Lokastaða í fyrra: 2. sæti
Breiðablik veitti Þór/KA keppni um Íslandsmeistaratitilinn allt fram í síðustu umferð í fyrra. Annað sætið varð niðurstaðan á endanum en tvö stig skildu liðin að.
Þjálfarinn: Þorsteinn Halldórsson tók við þjálfun Breiðabliks haustið 2014 og er því að fara inn í sitt fjórða tímabil með liðið. Þorsteinn er reyndur þjálfari sem þjálfaði meistaraflokk karla hjá Þrótti á árum áður en hann hefur einnig þjálfað yngri flokka hjá KR.
Álit Jóa
Jóhann Kristinn Gunnarsson er sérfræðingur Fótbolta.net í Pepsi-deild kvenna líkt og í fyrra. Hér er álit hans á liði Breiðabliks.
Styrkleikar: Skipulag, góður þjálfari, sterkur leikmannahópur og nánast endalaust af efnilegum leikmönnum. Það er eiginlega ómögulegt að ímynda sér toppbaráttuna án Breiðabliks í ár þó leikmenn frá í fyrra hafi farið út í mennskuna. Breiðablik er alltaf í toppformi og samkeppnin um stöður oft mikil. Þær spila góðan bolta og verða öflugar á tímabilinu.
Veikleikar: Eins og komið var inn á þá hafa sterkir leikmenn haldið á erlend mið frá í fyrra. Ef enginn af þeim kemur aftur fyrir lok gluggans gæti reynsluleysi hópsins komið niður á stigasöfnun.
Lykilleikmenn: Sonný Lára Þráinsdóttir, Berglind Björg Þorvaldsdóttir og Agla María Albertsdóttir.
Gaman að fylgjast með: Áslaug Munda Gunnlaugsdóttir og Alexandra Jóhannsdóttir munu vekja mikla athygli í sumar.
Komnar
Agla María Albertsdóttir frá Stjörnunni
Áslaug Munda Gunnlaugsdóttir frá Völsungi
Alexandra Jóhannsdóttir frá Haukum
Karólína Lea Vilhjálmsdóttir frá FH
Farnar:
Fanndís Friðriksdóttir til Marseille
Ingibjörg Sigurðardóttir til Djurgarden
Rakel Hönnudóttir til Djurgarden
Svava Rós Guðmundsdóttir til Roa
Fyrstu leikir Breiðabliks
3. maí Stjarnan - Breiðablik
9. maí Breiðablik - Grindavík
15. maí HK/Víkingur - Breiðablik
Taktu þátt í Draumaliðsdeild Toyota
Fótbolti.net er með Draumaliðsdeild í Pepsi-deild kvenna í sumar í samstarfi við Toyota.
Smelltu hér til að skrá þitt lið í Draumaliðsdeildina
Athugasemdir