Leiknir vann 2-1 sigur gegn KA í dag. Leiknir er með átta stig eftir fjórar umferðir og hefur enn ekki tapað í deildinni.
Lestu um leikinn: Leiknir R. 2 - 1 KA
„Góður sigur, gott að taka þrjú stig og halda áfram að vera taplausir. Við vorum að fara eftir skipulagi, vorum þéttir og öflugir. Við þekkjum þeirra veikleika og styrkleika og við settum leikinn þannig upp að loka á þeirra styrkleika," sagði Freyr Alexandersson, þjálfari Leiknis.
Stefán Birgir Jóhannesson skoraði sigurmark Leiknis eftir mögnuð tilþrif Hilmars Árna Halldórssonar.
„Hilmar gerði rosalega vel. Hann er frábær leikmaður. Stefán átti að vera mættur á 45 gráðurnar. Hann spurði okkur fyrir leikinn hvað það þýddi að vera 45 gráðunum og hann veit það núna."
Leiknir setti leikinn upp sem afmælisleik á 40 ára afmæli félagsins.
„Það er ótrúlega mikið af fólki inni að éta köku. Við vorum í gær og borðuðum kvöldverð saman. Þetta er æðislegur klúbbur og fólk stendur þétt saman."
Viðtalið má sjá í heild í sjónvarpinu hér að ofan.
