Gísli er uppalinn í Breiðabliki og hefur spilað þar stærstan hluta ferilsins.
Halldór Árnason, fyrrum þjálfari Breiðabliks, telur að það hafi verið mistök hjá sínu gamla félagi að sækja ekki Gísla Eyjólfsson.
Gísli sneri heim úr atvinnumennsku í vetur og samdi við ÍA. Hann er uppalinn í Breiðabliki og hefur spilað þar stærstan hluta ferilsins en hann endaði á Akranesi.
Gísli sneri heim úr atvinnumennsku í vetur og samdi við ÍA. Hann er uppalinn í Breiðabliki og hefur spilað þar stærstan hluta ferilsins en hann endaði á Akranesi.
Eftir að hann skrifaði undir á Skaganum þá sagði hann í viðtali við Fótbolta.net að Breiðablik hefði ekki haft áhuga á að semja við sig. „Breiðablik er auðvitað uppeldisfélagið mitt og mér fannst ég skulda þeim að tala við þá fyrst. Þá fékk ég þau svör að þeir voru vel mannaðir í minni stöðu og vildu gleðja stuðningsmenn með breytingum og þeir hefðu ekki áhuga að bjóða mér samning, þannig það fór ekki lengra," sagði Gísli.
Dóri Árna, fyrrum þjálfari Blika, var í viðtali í útvarpsþættinum Fótbolti.net í gær þar sem hann talaði um Gísla.
„Á vikunum áður en ég hætti var Gísli á leiðinni í Breiðabliki. Ég veit ekki hvaða U-beygja átti sér stað þar," sagði Dóri.
„Ég held að það hafi verið mistök, klárlega. Gísli er akkúrat það sem Breiðablik vantaði í fyrra, kraftmikill leikmaður og á góðan hátt er hann drulluerfiður. Hann er leikmaður sem Breiðablik vantar enn," bætti hann við.
Einnig var rætt um Gísla í Niðurtalningunni hér á Fótbolta.net en hægt er að hlusta á báða þessa þætti í spilurunum hér fyrir neðan og á öllum hlaðvarpsveitum.
