Rætt var um Orra Frey Hjaltalín sem var aðstoðarmaður Brynjars en samkvæmt heimildum Fótbolta.net var hann einnig látinn fara frá félaginu svo ólíklegt er að hann taki við.

Þá var Eysteinn Húni Hauksson fyrrum leikmaður Grindavíkur og Ólafur Jóhannesson fyrrum landsliðsþjálfari einnig nefndir.

Brynjar Björn sagði við 433.is að aðdragandinn að brottrekstrinum hafi tengst ákvörðun varðandi ungan leikmann sem er sonur háttsets manns innan félagsins. Um er að ræða Lárus Orra Ólafsson (2006) en hann var í liðsstjórn Grindavíkur gegn Gróttu í 4. umferð. Lárus er sonur Ólafs Más Sigurðssonar sem er meðstjórnandi í stjórn Grindavíkur.

Grindavík er í ellefta sæti Lengjudeildarinnar en liðið hefur gert fjögur jafntefli og tapað einum leik í fyrstu fimm umferðunum.