4. deild: KFS með öruggan sigur á KÁ

KFS vann frábæran sigur á KÁ í 4. deild í kvöld. KÁ er nú án sigurs í átta leikjum í röð en KFS vann annan leik sinn í röð.

Staðan var markalaus í hálfleik en Sigurður Grétar Benonýsson kom KFS yfir snemma í síðari hálfleik. Víðir Þorvarðarson bætti öðru markinu við.

Arnór Sölvi Harðarson skoraði síðan tvö mörk og innsiglaði sigur KFS. Hann hefur skorað fjögur mörk í 7 leikjum fyrir liðið í sumar.

KFS er í 8. sæti með 13 stig, tveimur stigum fyrir neðan KÁ sem er í sætinu fyrir ofan.