Spezia 0 - 3 Napoli
0-1 Khvicha Kvaratskhelia ('47 , víti)
0-2 Victor Osimhen ('68 )
0-3 Victor Osimhen ('73 )
Fyrsti leikur dagsins í Serie A deildinni á Ítalíu í dag var viðureign Spezia og Napoli. Með sigri gat Napoli styrkt stöðuna sína á toppnum í heil sextán stig.
Liðið sótti miklu meira í fyrri hálfleiknum en Spezia varðist mjög vel og gaf ekki mörg færi á sér. Staðan var markalaus þegar flautað var til leikhlés en í þeim síðari gerðust hlutirnir.
Eftir einungis tólf sekúndna leik í síðari hálfleiknum fékk Napoli vítaspyrnu eftir að varnarmaður heimamanna handlék knöttinn mjög klauflega í eigin vítateig.
Khvicha Kvaratskhelia steig á punktinn og skoraði af miklu öryggi. Um tuttugu mínútum síðar komst Victor Osimhen á blað en hann skoraði þá frábært mark.
Hann stökk hátt upp í loft og hreinlega át Bartlomiej Dragowski, markvörð Spezia, í loftinu og skallaði knöttinn yfir línuna.
Osimhen var ekki hættur en hann skoraði annað mark sitt eftir mistök í vörn Spezia. Kvaratskhelia var þá óeigingjarn og renndi boltanum á Osimhen sem skoraði sitt 16 deildarmark í 17 leikjum.
3-0 sigur staðreynd hjá Napoli og nú er Kvaratskhelia kominn með átta mörk og átta stoðsendingar í deildinni. Magnað tvíeyki þarna á ferð.
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 8 | 6 | 0 | 2 | 15 | 8 | +7 | 18 |
| 2 | Roma | 8 | 6 | 0 | 2 | 8 | 3 | +5 | 18 |
| 3 | Milan | 8 | 5 | 2 | 1 | 13 | 6 | +7 | 17 |
| 4 | Inter | 8 | 5 | 0 | 3 | 19 | 11 | +8 | 15 |
| 5 | Bologna | 8 | 4 | 2 | 2 | 13 | 7 | +6 | 14 |
| 6 | Como | 8 | 3 | 4 | 1 | 9 | 5 | +4 | 13 |
| 7 | Atalanta | 8 | 2 | 6 | 0 | 12 | 6 | +6 | 12 |
| 8 | Juventus | 8 | 3 | 3 | 2 | 9 | 8 | +1 | 12 |
| 9 | Udinese | 8 | 3 | 3 | 2 | 10 | 12 | -2 | 12 |
| 10 | Lazio | 8 | 3 | 2 | 3 | 11 | 7 | +4 | 11 |
| 11 | Cremonese | 8 | 2 | 5 | 1 | 9 | 10 | -1 | 11 |
| 12 | Torino | 8 | 3 | 2 | 3 | 8 | 14 | -6 | 11 |
| 13 | Sassuolo | 8 | 3 | 1 | 4 | 8 | 9 | -1 | 10 |
| 14 | Cagliari | 8 | 2 | 3 | 3 | 8 | 10 | -2 | 9 |
| 15 | Parma | 8 | 1 | 4 | 3 | 3 | 7 | -4 | 7 |
| 16 | Lecce | 8 | 1 | 3 | 4 | 7 | 13 | -6 | 6 |
| 17 | Verona | 8 | 0 | 5 | 3 | 4 | 11 | -7 | 5 |
| 18 | Fiorentina | 8 | 0 | 4 | 4 | 7 | 12 | -5 | 4 |
| 19 | Pisa | 8 | 0 | 4 | 4 | 5 | 12 | -7 | 4 |
| 20 | Genoa | 8 | 0 | 3 | 5 | 4 | 11 | -7 | 3 |
