„Hrikalega góð. Okkur var farið að langa í þrjú stig, það er lang síðan síðast þannig að við vorum staðráðnar í því að koma hingað og taka öllu þrjú og það gekk eftir. “
Sagði Arna Sif Ásgrímsdóttir fyrirliði Þórs/KA aðspurð um sín fyrstu viðbrögð eftir 2-1 sigur Þórs/KA á Keflavík suður með sjó fyrr í kvöld.

Lestu um leikinn: Keflavík 1 -  2 Þór/KA

Mikil barátta einkenndi leikinn og eftir mark Þór/KA í fyrri hálfleik virtist verkefnið vera nokkuð þægilegt fyrir þær þar sem þær kæfðu flestar sóknaraðgerðir Keflavíkur í fæðingu.

„Við vorum búin að fara vel yfir Keflavíkurliðið og vissum hvaða leiðir þær vilja fara og fannst mér við loka mjög vel á það í dag. En ég hefði viljað sjá okkur skora fleiri mörk, við vorum að koma okkur í mjög góðar stöður til að koma okkur í enn betri stöðu þannig að maður hefði viljað sjá aðeins meiri gæði á síðasta þriðjung.“

Gengi Þór/KA í byrjun móts hefur verið nokkuð brokkgegnt en heldur hefur birt til í herbúðum þeirra að undanförnu og er liðið nú taplaust í síðustu þremur leikjum.

„Þetta er þriðji leikurinn í röð þar sem við erum að ná góðum frammistöðum. Erum þéttar til baka og ekki að gefa mörg færi á okkur og koma okkur í góðar stöður þannig að við erum alltaf að vaxa og verða betri og vonandi höldum við þessu áfram. “

Sagði Arna Sif en allt viðtalið má sjá hér að ofan.

STUÐNINGSSVEIT
FÓTBOLTA.NET

Komdu í hópinn!

Sífellt fleiri lesendur styrkja rekstur Fótbolta.net með mánaðarlegum greiðslum.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit