Íslenska kvennalandsliðið tapaði fyrir Evrópumeisturum Englands, 2-0, í öðrum leik þeirra í undankeppni heimsmeistaramótsins á The City Ground leikvanginum í Nottingham í dag.
„Ég er alveg svekkt, auðvitað mjög glöð að fá að koma inn á og mjög gaman en mér fannst við alveg geta staðið okkur aðeins betur." Svaraði María Catharina Ólafsdóttir Gros, um hennar fyrstu viðbrögð. María var að koma inn á í sínum öðrum landsleik gegn Evrópumeistrunum, sá fyrri gegn Heimsmeisturum Spánar,
Lestu um leikinn: England 2 - 0 Ísland
„Mér fannst það bara mjög öruggt, Mér leið bara vel með Guðrúnu þarna og voru góð samskipti. Stundum þarf bara að droppa niður. Mér fannst það virka vel, bara leiðinlegt að við fengum á okkur þetta mark því að mér fannst við alveg geta staðið í þeim."
„Persónlega bara mjög glöð að fá mínar fyrstu mínútur og mjög gaman að fá að spila með stelpunum."
„Sem lið þá getum við séð að við getum spilað á móti þeim þegar við róum okkur aðeins niður. Mér fannst við alveg geta spilað aðeins meira og hafa trú á okkur. Það var ekki þannig að það væri eins og þær væru að valta yfir okkur, við stóðum alveg í þeim, þannig við getum tekið það með okkur."
Viðtalið í heild má finna í spilaranum hér að ofan
