Eiður Smári var ánægður í leikslok.
Eiður Smári Guðjohnsen er reyndasti leikmaður íslenska landsliðsins sem tryggði sér á EM í Frakklandi næsta sumar eftir 0-0 jafntefli gegn Kasakstan í kvöld.
Eiður Smári var ónotaður varamaður í kvöld en hann segir tilfinninguna að vera kominn á stórmót með íslenska landsiðinu vera ótrúlega.
Eiður Smári var ónotaður varamaður í kvöld en hann segir tilfinninguna að vera kominn á stórmót með íslenska landsiðinu vera ótrúlega.
Lestu um leikinn: Ísland 0 - 0 Kasakstan
„Í dag var þetta formsatriði að klára þetta og auðvitað vissum við það að við þyrftum að vera einbeittir. Þessi leikur sem slíkur fer ekki í sögubækurnar fyrir annað en að hafa tryggt okkur sætið."
„Þessi keppni hefur verið ævintýri líkust. Ég held að það sé virðingarvert fyrir öllum sem hafa tekið þátt. Við munum horfa til baka einn daginn og hugsa; Þetta er ekki bara þeir sem eru inná eða þeir sem skora mörkin. Það er samstaðan í liðinu. Það er hugarfarið í mönnum sem er kannski utan liðið inn á milli og allt í kring."
„Knattspyrnusambandið á hrós skilið fyrir að hafa tekið stór skref og mikil framför. Þetta helst allt í hendur. Þegar úrslitin eru eins og þau eru þá fær það fólkið með okkur. Við erum ótrúlega þakklátir fyrir magnaðan stuðning."
„Það er sama í hvaða land þú ferð. Þetta er 300 þúsund manns. Það er yfirleitt smábær í þessum þjóðum. Og hugsa sér hvað við eigum marga góða knattspyrnumenn og mikið af mönnum með frábært hugarfar og risastórt hjarta. Þá er þetta magnað," sagði Eiður Smári sem segir að sigur með íslenska landsliðinu sé alltaf sætari en með félagsliðunum.
„Að hafa náð þessu markmiði er magnað og gefur manni mun meira en hver titilinn fyrir sig."
Þegar ljóst var að Ísland hafi ekki komist á HM í Brasilíu eftir umspils viðureign gegn Króatíu var tilfinningalegt viðtal við Eið eftir leikinn þar sem hann var nokkuð viss um að sá leikur hafi verið sinn síðasti í íslensku landsliðstreyjunni. Annað kom þó á daginn.
„Við getum orðað það þannig, að það er ástæða fyrir því að ég kom aftur og tók við símtalinu við Heimi á sínum tíma. Ég get ekki séð eftir þeirri ákvörðun, sagði einn besti knattspyrnumaður þjóðarinnar fyrr og síðar, að lokum í viðtali við Fótbolta.net.
Viðtalið í heild sinni er hægt að sjá í sjónvarpinu hér að ofan.
