Óskar Hrafn: Megum ekki leggjast á meltuna og vera rosalega ánægðir með okkur

„Mér fannst við spila á stórum hluta mjög vel, fyrri hálfleikurinn var að stærstu leiti frábær en svo duttum við aðeins niður fyrstu 25 mínúturnar í seinni hálfleik, tókum ekki góðar ákvarðanir á boltann og leyfðum KA mönnum að þrýsta okkur niður en svo unnum við okkur aftur inn í leikinn," sagði Óskar Hrafn.

„Endirinn var frábær og fjórða markið var margt sem maður getur horft á út í hið óendanlega."

Sóknarleikur liðsins hefur verið frábær undanfarið en KR hefur skorað ellefu mörk í síðustu tveimur leikjum.

„Síðustu leikir hafa verið góðir sóknarlega og mér finnst það hafa verið í takt við kraftinn í liðinu. Þegar menn eru kraftmiklir og duglegir varnarlega og þegar þeir tapa boltanum þótt það gangi ekki alltaf upp en ef menn fara á fullu í það þá fylgir sóknarleikurinn með þá verður meiri hraði. Ég er feykilega ánægður með að hafa tengt saman tvær öflugar frammistöður. Nú megum við ekki leggjast á meltuna og vera rosalega ánægðir með okkur," sagði Óskar Hrafn.