Fótbolti.net

fös 07. febrúar 2020 16:45

Sæbjörn Þór Þórbergsson Steinke

Ísak Snær: Kemur á óvart hversu 'nice' Joey Barton er

Þegar ég heyrði að Joey Barton var að þjálfa Fleetwood viðurkenni ég að ég varð svolítið lítill í mér.

Mynd: Fótbolti.net - Hafliði Breiðfjörð

Ísak Snær Þorvaldsson var lánaður frá Norwich til Fleetwood Town á lokadegi félagaskiptagluggans nú í janúar.

Ísak er átján ára miðjumaður og mun leika með Fleetwood, sem leikur í þriðju efstu deild Englands, League 1, út þessa leiktíð.

Nánar var rætt við Ísak um ferilinn til þessa í grein sem birtist fyrr í dag. Þar sagði hann frá skrefinu frá Aftureldingu til Norwich og sagði frá því hvernig leikmaður hann er.

Fleetwood er í 10. sæti League One með 42 stig eftir 27 umferðir. Næsti leikur liðsins er á morgun þegar liðið sækir AFC Wimbledon heim. Fimm stig eru upp í Portsmouth sem situr í 6. sætinu, síðasta umspilssætinu. En hvernig kom það til að Ísak var lánaður til Fleetwood?

Bað um að fara á lán
Var alltaf stefnan að fara á lán út þessa leiktíð?

„Ég hafði spurst um að fara á lán rétt fyrir janúargluggann en Norwich vildi ekki senda mig á lán. Ég vildi spila aðalliðsbolta en Norwich vildi halda mér hjá félaginu áfram," sagði Ísak.

„Ég var nýkominn frá Íslandi vegna heilahristings sem ég fékk nokkrum vikum áður. Svo var það þannig að ég fór á fund og mér sagt að Fleetwood hafði áhuga að fá mig á lán og þyrfti á miðjumanni að halda. Ég vildi fara og Norwich studdi mig þegar ég sagðist vilja fara."

„Það var ekkert annað sem kom til greina en að hoppa á þetta tækifæri þar sem ég hafði mjög mikinn áhuga að fara á lán og það að vera í League 1 á Englandi er bara plús."

Fyrstu kynni af Joey Barton komu á óvart
Hinn litríki Joey Barton er stjóri Fleetwood og var Ísak spurður út í hans fyrstu kynni við Barton.

„Þegar ég heyrði að Joey Barton var að þjálfa Fleetwood viðurkenni ég að ég varð svolítið lítill í mér," sagði Ísak og hló.

„En hann heyrði í mér rétt áður en ég skrifaði undir og það hljómaði allt mjög vel sem hann sagði. Það kom mér á óvart hverju 'nice' hann er miðað við það hvernig hann var sem leikmaður."

„Hann hefur passað mjög vel uppá mig síðustu daga og sér til þess að það séð vel um mig."

Vonast eftir því að fá leiki og mínútur
Ísak var að lokum spurður út í möguleikann á spilatíma hjá Fleetwood. Hvernig metur hann stöðuna á þessum tímapunkti?

„Ég held að ég muni fá einhverjar mínútur en það er undir Barton og hans mönnum komið. Það fer líka eftir því hvernig mér gengur á æfingum og svo ef ég fæ tækifæri í liðinu. Ég vonast til þess að fá einhverjar mínútur og einhverja leiki í byrjunarliðinu," sagði Ísak að lokum.

Sjá einnig:
FCK reyndi að fá Ísak á reynslu 12 ára - Foreldrar sögðu nei

		L	U	J	T	ms:	mf:	mun	Stig
1	Lincoln City	46	31	10	5	89	41	+48	103
2	Cardiff City	46	27	10	9	90	50	+40	91
3	Stockport	46	22	11	13	71	58	+13	77
4	Bradford	46	22	11	13	58	51	+7	77
5	Bolton	46	19	18	9	70	52	+18	75
6	Cambridge City	0	0	0	0	0	0	0	0
6	Stevenage	46	21	12	13	49	46	+3	75
7	Luton	46	21	11	14	68	56	+12	74
8	Plymouth	46	22	7	17	75	63	+12	73
9	Huddersfield	46	18	13	15	74	64	+10	67
10	Mansfield Town	46	16	17	13	62	50	+12	65
11	Wycombe	46	17	12	17	69	58	+11	63
12	Reading	46	16	15	15	64	60	+4	63
13	Blackpool	46	17	9	20	54	65	-11	60
14	Doncaster Rovers	46	17	9	20	50	69	-19	60
15	Barnsley	46	15	14	17	68	73	-5	59
16	Wigan	46	14	14	18	49	58	-9	56
17	Burton	46	13	15	18	50	60	-10	54
18	Peterboro	46	15	8	23	64	68	-4	53
19	Wimbledon	46	15	8	23	51	72	-21	53
20	Leyton Orient	46	14	10	22	59	71	-12	52
21	Exeter	46	12	13	21	52	61	-9	49
22	Port Vale	46	10	12	24	36	61	-25	42
23	Rotherham	46	10	11	25	41	71	-30	41
24	Northampton	46	9	8	29	39	74	-35	35