Samkvæmt heimildum Fótbolta.net hafa Leiknismenn fengið fleiri en eitt tilboð í Sævar undanfarnar vikur. Breiðablik er á meðal félaga sem hafa boðið í Sævar.

Hinn tvítugi Sævar Atli er fyrirliði Leiknis en hann skoraði þrettán mörk og var í lykilhlutverki þegar liðið fór upp úr Lengjudeildinni í fyrra.

Hann hefur haldið uppteknum hætti í Lengjubikarnum og skorað sex mörk í fjórum leikjum þar.

Sævar verður samningslaus eftir tímabilið og því getur hann mögulega farið frítt í önnur félög þá ef Leiknismenn selja hann ekki núna.