Sænska félagið Norrköping hefur staðfest að Finnur Tómas Pálmason hefur rift samningi sínum við félagið.
Finnur gekk til liðs við félagið í janúar á síðasta ári frá KR en fór aftur í Vesturbæinn á láni síðasta sumar og lék með KR í Pepsi Max-deildinni.
Þessi tvítugi varnarmaður var í leikmannahópi Norrköping í fyrstu tveimur umferðum Allsvenskan en var utan hóps í síðustu tveimur leikjum liðsins. Hann hafði byrjað einn bikarleik í vetur en einnig glímt við meiðsli.
Finnur er í A-landsliðshópnum sem mætir Úganda á morgun og Suður Kóreu þann 15. janúar.
Athugasemdir
