Vill komast í enska landsliðshópinn fyrir HM
Fótboltafréttamaðurinn vinsæli Fabrizio Romano er búinn að setja „here we go!" stimpilinn á önnur félagaskipti undir lok janúargluggans.
Wolves, botnlið ensku úrvalsdeildarinnar, er að næla í miðjumanninn Angel Gomes á lánssamningi frá Marseille.
Gomes var mikið í umræðunni þegar hann gerði frábæra hluti með Lille í frönsku deildinni en átti svo erfitt uppdráttar á sinni síðustu leiktíð með félaginu. Hann var sérstaklega orðaður við endurkomu í uppeldisfélagið sitt Manchester United, en önnur félög sýndu einnig áhuga.
21.11.2024 11:00
Man Utd vill fá Gomes til baka - Amorim sagður aðdáandi
Hann var lykilmaður í liði Lille en þegar kom í ljós að hann ætlaði ekki að gera nýjan samning við félagið var hann settur í frystikistuna.
Marseille tryggði sér krafta Gomes á frjálsri sölu síðasta sumar en leikmanninum mistókst að festa sig í sessi í byrjunarliðinu þrátt fyrir ýmis tækifæri.
Gomes fékk lítinn sem engan spiltíma í desember og janúar og vill því ólmur skipta um félag. Hann er spenntur fyrir að ganga í raðir Wolves þrátt fyrir að liðið sé í botnbaráttu, þar sem markmið Gomes er að sanna sig í úrvalsdeildinni í tilraun til að vinna sér inn sæti í landsliðshópi Englands fyrir HM komandi sumar.
Gomes er 25 ára gamall og var algjör lykilmaður upp yngri landslið Englands, en hefur aðeins tekið þátt í fjórum keppnisleikjum með A-landsliðinu.
Úlfarnir borga 1 milljón evra til að fá Gomes á láni og getur botnliðið fest kaup á honum fyrir 7 milljónir til viðbótar.
28.01.2026 08:00
Úlfarnir reyna við Angel Gomes
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 27 | 17 | 7 | 3 | 52 | 20 | +32 | 58 |
| 2 | Man City | 27 | 17 | 5 | 5 | 56 | 25 | +31 | 56 |
| 3 | Aston Villa | 27 | 15 | 6 | 6 | 38 | 28 | +10 | 51 |
| 4 | Chelsea | 27 | 12 | 9 | 6 | 48 | 31 | +17 | 45 |
| 5 | Man Utd | 26 | 12 | 9 | 5 | 47 | 37 | +10 | 45 |
| 6 | Liverpool | 26 | 12 | 6 | 8 | 41 | 35 | +6 | 42 |
| 7 | Brentford | 27 | 12 | 4 | 11 | 40 | 37 | +3 | 40 |
| 8 | Bournemouth | 27 | 9 | 11 | 7 | 43 | 45 | -2 | 38 |
| 9 | Everton | 26 | 10 | 7 | 9 | 29 | 30 | -1 | 37 |
| 10 | Newcastle | 27 | 10 | 6 | 11 | 38 | 39 | -1 | 36 |
| 11 | Sunderland | 26 | 9 | 9 | 8 | 27 | 30 | -3 | 36 |
| 12 | Brighton | 27 | 8 | 10 | 9 | 36 | 34 | +2 | 34 |
| 13 | Fulham | 26 | 10 | 4 | 12 | 35 | 40 | -5 | 34 |
| 14 | Crystal Palace | 26 | 8 | 8 | 10 | 28 | 32 | -4 | 32 |
| 15 | Leeds | 27 | 7 | 10 | 10 | 37 | 46 | -9 | 31 |
| 16 | Tottenham | 26 | 7 | 8 | 11 | 36 | 37 | -1 | 29 |
| 17 | Nott. Forest | 26 | 7 | 6 | 13 | 25 | 38 | -13 | 27 |
| 18 | West Ham | 27 | 6 | 7 | 14 | 32 | 49 | -17 | 25 |
| 19 | Burnley | 27 | 4 | 7 | 16 | 29 | 52 | -23 | 19 |
| 20 | Wolves | 27 | 1 | 7 | 19 | 18 | 50 | -32 | 10 |
Athugasemdir
