Eagles náði forystunni í fyrri hálfleik en í síðari hálfleik lét Alfons reka sig af velli með seinna gula spjaldið sitt, eftir að hafa fengið það fyrra fyrir leikhlé.

Alfons sá rautt á 62. mínútu og því léku gestirnir manni færri síðasta hálftímann og náðu andstæðingarnir að gera jöfnunarmark, svo lokatölur urðu 1-1.

Liðin áttust við í fallbaráttuslag. Alfons og félagar eiga 22 stig eftir 20 umferðir, fimm stigum fyrir ofan fallsvæðið.

Sverrir Ingi Ingason lék þá allan leikinn og fékk að líta gult spjald í sigri Panathinaikos í gríska boltanum. Liðið er í fimmta sæti efstu deildar með 29 stig eftir 18 umferðir á vonbrigðatímabili fyrir félagið.

Hörður Björgvin Magnússon var þá ekki með vegna veikinda í sigri Levadiakos sem er að eiga magnað tímabil í grísku deildinni. Liðið er í fjórða sæti með 38 stig, aðeins fjórum stigum á eftir stórveldi Olympiakos. Liðið var án fjögurra leikmanna í dag sem eru allir með sömu veiruna og komnir á sýklalyf.

Í Hollandi var Kolbeinn Birgir Finnsson utan hóps hjá Utrecht enda er hann að skipta yfir í norska boltann.

Íslendingalið AGF og FC Kaupmannahöfn mættust svo í æfingaleik í Danmörku þar sem Aarhus hafði betur 4-0.

Að lokum lék Emilía Kiær Ásgeirsdóttir allan leikinn úti á kanti hjá RB Leipzig í efstu deild þýska boltans.

Leipzig gerði jafntefli við Freiburg og er með 14 stig eftir 16 umferðir, fimm stigum fyrir ofan fallsvæðið.

Volendam 1 - 1 Go Ahead Eagles
0-1 V. Edvardsen ('10)
1-1 R. Muhren ('74)
Rautt spjald: Alfons Sampsted, GA Eagles ('62)

Panathinaikos 3 - 0 Kifisia

Levadiakos 3 - 1 Asteras Tripolis

Heerenveen 1 - 1 Utrecht

AGF 4 - 0 FCK

Leipzig 2 - 2 Freiburg