Fjölnir er búið að bæta við sig leikmanni fyrir átökin í Lengjudeildinni næstu mánuði.
Leikmaðurinn sem um ræðir heitir Michael Bakare og er enskur sóknarmaður.
Hann er 34 ára gamall og hefur mikið flakkað um á Englandi, í neðri deildunum þar. Hann hefur einnig spilað í Wales og skoraði hann 31 mark í 80 leikjum með Connah's Quay Nomads þar í landi frá 2017 til 2020.
Hann er núna mættur í Fjölni og er honum ætlað að skora mörk. Fjölnir hefur vantað markaskorara.
Fjölnir er sem stendur í fimmta sæti deildarinnar, fimm stigum frá ÍBV í öðru sæti.
Sjá einnig:
„Ætlum að halda okkar mönnum, bæta við og keyra á þetta"
Athugasemdir