Það var sagt frá því fyrir helgi að Riddersholm væri við það að fá sparkið úr starfinu.

Heimildir Fotbollskanalen herma að það hafi átt sér stað rifrildi á milli Riddersholm og stjórnenda Norrköping eftir að danski þjálfarinn sótti um störf annars staðar. Hann hefur til að mynda verið orðaður við OB í Danmörku.

Riddersholm var líka með kröfur gagnvart Norrköping sem félagið getur ekki tekið undir.

Riddersholm tók við Norrköping í fyrra en Óskar Hrafn Þorvaldsson, nýráðinn þjálfari Haugesund, var einnig orðaður við starfið hjá Norrköping á þeim tíma.

Norrköping hefur verið mikið Íslendingafélag í gegnum tíðina en Arnór Ingvi Traustason, Ari Freyr Skúlason og Ísak Andri Sigurgeirsson eru á mála hjá félaginu núna. Þá er Andri Lucas Guðjohnsen samningsbundinn félaginu en hann er á láni hjá Lyngby í Danmörku.

Norrköping hafnaði í níunda sæti sænsku úrvalsdeildarinnar á tímabilinu sem var að klárast.