Franski varnarmaðurinn Jérémy Jacquet var keyptur til Liverpool í lok janúargluggans en mun ekki skipta yfir í enska boltann fyrr en næsta sumar.
Jacquet er tvítugur miðvörður sem hefur verið lykilmaður í liði Rennes á tímabilinu og vildi félagið alls ekki missa hann úr sínum röðum á miðju tímabili.
Rennes samþykkti því 60 milljóna punda kauptilboð frá Liverpool gegn því að fá að nota Jacquet út tímabilið.
Jacquet meiddist þó á öxl skömmu eftir að hafa skrifað undir samning við Liverpool og þarf að gangast undir á aðgerð á næstu dögum.
Rennes er búið að staðfesta að Jacquet sé á leið í aðgerð, en ekki er greint frá því hvort að leikmaðurinn geti spilað fótbolta aftur á tímabilinu.
Athugasemdir
