Öllum leikjum kvöldsins er lokið í A-deild í undankeppni Evrópuþjóða fyrir HM, þar sem nokkrar stórþjóðir mættu til leiks.
Noregur, Danmörk og Svíþjóð unnu sína leiki gegn sterkum andstæðingum. Danir lögðu Serbíu á heimavelli á meðan Svíar sigruðu á Ítalíu og þær norsku höfðu betur í Austurríki.
Þýskaland skoraði fimm mörk í stórsigri gegn Slóveníu og vann England stórsigur á Úkraínu í íslenska riðlinum. Ísland er í rosalegum riðli sem inniheldur heimsmeistara Spánar og Evrópumeistara Englands, sem skoruðu sex sinnum gegn Úkraínu.
Pólland og Holland skildu jöfn og þá vann stórveldi Frakklands endurkomusigur á Írlandi. Melvine Malard var hetjan þar með tvennu í síðari hálfleiknum.
Austurríki 0 - 1 Noregur
Danmörk 3 - 1 Serbía
Ítalía 0 - 1 Svíþjóð
Úkraína 1 - 6 England
Þýskaland 5 - 0 Slóvenía
Pólland 2 - 2 Holland
Írland 1 - 2 Frakkland
Spánn 3 - 0 Ísland
Athugasemdir
