Topplið Arsenal heimsækir Brighton á sama tíma og Manchester City fær Nottingham Forest í heimsókn, en fimm stig skilja á milli liðanna í titilbaráttunni og á Man City leik til góða.

Arsenal er búið að vinna tvo leiki í röð gegn nágrannaliðum sínum Chelsea og Tottenham eftir að hafa misstigið sig með að gera jafntefli við Brentford og Wolves í umferðunum þar á undan.

Lærlingar Pep Guardiola í liði City eru hins vegar með fjóra sigra í röð í deildinni og virðast nánast óstöðvandi um þessar mundir.

Þá eru einnig tveir stórleikir á dagskrá í kvöld þegar Aston Villa og Newcastle eiga heimaleiki gegn Chelsea og Manchester United.

Aston Villa, Chelsea og Man Utd eru í harðri meistaradeildarbaráttu á meðan Newcastle er í neðri hluta deildarinnar á miklu vonbrigðatímabili og er búið að tapa fjórum af síðustu fimm deildarleikjum sínum.

Að lokum eigast Fulham og West Ham við í Lundúnaslag. Fulham getur reynt að blanda sér í evrópubaráttuna með sigri á meðan Hamrarnir eru í harðri fallbaráttu, tveimur stigum frá öruggu sæti.

Leikir kvöldsins
19:30 Aston Villa - Chelsea
19:30 Man City - Nott. Forest
19:30 Brighton - Arsenal
19:30 Fulham - West Ham
20:15 Newcastle - Man Utd