Fótbolti.net

þri 14. nóvember 2023 17:46

Elvar Geir Magnússon
Bratislava

Arnór næsti Íslendingur í ensku úrvalsdeildina? - „Stærsti draumurinn“

Arnór á landsliðsæfingu í Vín í dag.

Mynd: Fótbolti.net - Hafliði Breiðfjörð

Í landsleik á Laugardalsvelli.

Mynd: Fótbolti.net - Hafliði Breiðfjörð

Landsliðsmaðurinn Arnór Sigurðsson hefur verið orðaður við ensku úrvalsdeildina en í samtali við Fótbolta.net staðfestir hann að félög hafi sýnt sér áhuga.

Skagamaðurinn hefur spilað níu leiki með Blackburn Rovers í ensku B-deildinni eftir að hafa verið að glíma við meiðsli í upphafi tímabils. Hann er á láni hjá Blackburn frá CSKA Moskvu en samningur hans við rússneska félagið rennur út næsta sumar.

30.10.2023 14:40

Leicester hefur áhuga á Arnóri

„Þetta hefur verið upplifun. Maður vissi það að England væri stærsta sviðið en nú virkilega sér maður það. Ég er að njóta þess í botn," segir Arnór sem er kominn með fjögur mörk fyrir félagið nú þegar.

„Það var málið fyrir mig að koma inn af krafti, byrja vel og ná að sýna mig strax. Það er fullt af leikjum og þetta er langt tímabil en ég er að njóta þess í botn. Ég er mjög ánægður."

„Gengi liðsins hefur verið upp og niður. Við höfum verið að spila skemmtilegan fótbolta, ég held að við séum með hæsta 'possession' (með boltann) á eftir Leicester. Við erum að spila skemmtilega en erum að fá á okkur of mikið af skyndisóknarmörkum."

Stuðningsmennirni spenntir
Arnór er þegar orðinn vinsæll hjá stuðningsmönnum Blackburn.

„Það er gott að hafa náð fjórum mörkum strax og stuðningsmennirnir verða spenntir. Það er bara að halda áfram að sýna mig og sanna, ég veit alveg hvað ég get og ég þarf bara að vera rólegur og halda áfram," segir Arnór.

Hann hefur meðal annars verið orðaður við Leicester, sem er í efsta sæti Championship-deildarinnar og leikur að öllum líkindum í ensku úrvalsdeildinni.

„Maður veit að þegar maður er að spila vel á þessu leveli þá eru fljótirnir hlutir að gerast. Félög eru fljót að spyrjast fyrir, sérstaklega þegar samningastaðan er svona. Ég reyni bara að einbeita mér að því að leggja mig fram á vellinum, þá veit ég það munu gerast góðir hlutir," segir Arnór.

Stærsti draumurinn er Premier League
Hann viðurkennir að það sé heillandi tilhugsun að spila mögulega í ensku úrvalsdeildinni á næsta ári.

„já auðvitað. Það var stór hluti af þeirri ákvörðun að taka skrefið til Englands, stærsti draumurinn er Premier League. Eins og staðan er núna er ég hjá Blackburn og það væri geggjað að fara upp með þeim. Fókusinn núna er að koma okkur í betri stöðu til að eiga möguleika á að komast upp á næsta ári."

Blackburn er í tólfta sæti Championship-deildarinnar sem stendur en fjögur stig eru upp í sjötta sætið, sem gefur þátttökurétt í umspilinu.

		L	U	J	T	ms:	mf:	mun	Stig
1	Liverpool	36	25	8	3	83	37	+46	83
2	Arsenal	36	18	14	4	66	33	+33	68
3	Newcastle	36	20	6	10	68	45	+23	66
4	Man City	36	19	8	9	67	43	+24	65
5	Chelsea	36	18	9	9	62	43	+19	63
6	Aston Villa	36	18	9	9	56	49	+7	63
7	Nott. Forest	36	18	8	10	56	44	+12	62
8	Brentford	36	16	7	13	63	53	+10	55
9	Brighton	36	14	13	9	59	56	+3	55
10	Bournemouth	36	14	11	11	55	43	+12	53
11	Fulham	36	14	9	13	51	50	+1	51
12	Crystal Palace	36	12	13	11	46	48	-2	49
13	Everton	36	9	15	12	39	44	-5	42
14	Wolves	36	12	5	19	51	64	-13	41
15	West Ham	36	10	10	16	42	59	-17	40
16	Man Utd	36	10	9	17	42	53	-11	39
17	Tottenham	36	11	5	20	63	59	+4	38
18	Ipswich Town	36	4	10	22	35	77	-42	22
19	Leicester	36	5	7	24	31	78	-47	22
20	Southampton	36	2	6	28	25	82	-57	12