Championship: Annar sigur Coventry undir stjórn Lampard - Svekkjandi jafntefli hjá Stefáni

Lampard tók við Coventry í síðasta mánuði og hefur verið að gera ágætis hluti á þessum stutta tíma sem hann hefur stýrt liðinu.

Liðið var með ágætis stjórn á leiknum en lenti undir þegar lítið var eftir af fyrri hálfleiknum er Joao Pedro skoraði af stuttu færi.

Coventry tókst að snúa taflinu við í þeim síðari. Ephron Mason-Clark jafnaði metin og þrettán mínútum síðar gat Victor Torp komið liðinu í forystu en hann klikkaði úr vítaspyrnu.

Það kom ekki að sök því Jack Rudoni skoraði sigurmarkið þegar tuttugu mínútur voru til leiksloka og kom Coventry upp í 15. sæti deildarinnar.

Bristol City og QPR gerðu 1-1 jafntefli á Ashton Gate. Bæði mörk liðsins komu með fimm mínútna millibili um miðbik síðari hálfleiks.

Stefán Teitur Þórðarson og félagar hans í Preston voru svekktir í leikslok er liðið gerði 1-1 jafntefli við topplið Leeds.

Brad Potts kom Preston yfir á 23. mínútu og voru heimamenn í Preston heppnir að vera með ellefu menn inn á þegar Brad Whiteman átti að fá sitt annað gula spjald. Stefán Teitur kom inn fyrir Whiteman í hálfleik.

Leeds pressaði og pressaði í síðari hálfleiknum og kom jöfnunarmarkið fyrir rest eftir óheppilegt sjálfsmark frá Jack Whatmough er hann stýrði fyrirgjöf Daniel James í eigið net.

Leeds er á toppnum með 42 stig en Preston í 16. sæti með 23 stig.

Bristol City 1 - 1 QPR
1-0 Scott Twine ('60 )
1-1 Paul Smyth ('65 )

Coventry 2 - 1 Hull City
0-1 Joao Pedro ('43 )
1-1 Ephron Mason-Clark ('52 )
1-1 Victor Torp ('65 , Misnotað víti)
2-1 Jack Rudoni ('73 )

Preston NE 1 - 1 Leeds
1-0 Brad Potts ('23 )
1-1 Jack Whatmough ('90 , sjálfsmark)