Kennie Chopart fagnar marki sínu í dag.
„Við hefðum viljað gera betur í þessum leik svona heilt yfir," sagði Rúnar Kristinsson, þjálfari Fram, eftir 2-4 tap gegn Víkingi í 32-liða úrslitum bikarsins.
Rúnar segist mest svekktur yfir því að hafa náð að jafna leikinn 2-2 en hleypt Víkingi strax aftur í forystuna.
Rúnar segist mest svekktur yfir því að hafa náð að jafna leikinn 2-2 en hleypt Víkingi strax aftur í forystuna.
Lestu um leikinn: Fram 2 - 4 Víkingur R.
Það er rúm vika í fyrsta leik Framí Bestu deildinni, liðið mætir ÍA á heimavelli í fyrstu umferð. Hvernig lítur Framliðið út þegar rúm vika er í leik?
„Bara þokkalega. Við værum til í að vera með lykilmenn í betra standi. Vuk er 60 mínútna maður í dag og varla það, Fred var ekki með okkur í dag og ekki heldur Sigurjón (Rúnarsson). Við erum búnir að vera í meiðslaveseni með leikmenn sem spiluðu mikið í fyrra en engu að síður er hópurinn ágætlega breiður."
Rúnar vonast til að Fred og Sigurjón verði með um næstu helgi og að Jakob Byström og Vuk verði í betra standi. Sóknarmaðurinn Atli Þór Jónasson, sem er á láni frá Víkingi, spilaði ekki í dag en kemur inn í næsta leik.
Ægir Jarl Jónasson er kominn í Fram en hann er að glíma við meiðsli líka, verður hann klár?
„Það er möguleiki en það er tæpt. Það eru alltof margir sem eru spurningamerki sem er ekki gott þegar mótið er að hefjast."
