Þeir sem ætluðu að tryggja sér miða á landsleik Tékklands og Íslands þegar miðasala hófst á Midi.is í hádeginu þurftu að fara í biðröð og fjölmargir fengu engan miða þegar röðin kom að þeim.
Einhverjir voru hinsvegar séðir og náðu að kaupa sér miða í gegnum glufu á kerfi Miða.is sem bauð upp á hjáleið framhjá biðröðinni.
Sumir miðakaupendur deildu miðakaupum sínum á samfélagsmiðlunum Facebook og Twitter og þar var hægt að smella á link beint inn í miðasöluna þar sem hægt var að velja að fara með viðkomandi.
Þá var hægt að kaupa sér miða á leikinn án þess að fara í gegnum biðröðina og ljóst að einhverjir eru sáttir og sælir yfir því að hafa prófað það.
Fótbolti.net sannreyndi þessa leið í hádeginu og ljóst var að hægt var að komast inn í miðasöluna í gegnum hana.
leiðin til framhjá röðinni á miði.is var sumsé að finna einhvern sem deildi miðunum sínum á facebook, opna linkinn og "fara með" honum!
— Jón H Jóhannsson (@nonni86) May 15, 2015Athugasemdir
