Kári Árnason
Kári Árnason ræddi við Fótbolta.net í tilefni af því að Birnir Snær Ingason var fenginn í raðir félagsins. Kári verður yfirmaður fótboltamála hjá Víkingi eftir tímabilið.
Tímabilinu lýkur einmitt á morgun og var hann spurður út í leikinn á morgun, sinn lokaleik á ferlinum.
Tímabilinu lýkur einmitt á morgun og var hann spurður út í leikinn á morgun, sinn lokaleik á ferlinum.
„Þetta er náttúrulega eins og bestur verður á kosið. Við náðum að vinna Íslandsmeistaratitilinn og að enda ferilinn á Laugardalsvelli er náttúrulega frábært og eitthvað sem maður gat ekki gert sér í hugarlund. Þetta verður rosalega gaman og vonandi náum við að klára þetta," sagði Kári.
Væri sigur í leiknum á morgun hinn fullkomni endir á handriti ykkar Sölva?
„Það er það, það er langleiðina komið með því að enda þetta á Laugardalsvelli sem er mér svo kær. Engu að síður ætlum við okkur að vinna þetta en við vitum að Skagamenn eru í hörkuformi og það er aldrei hægt að afskrifa þá."
Hvernig er þú að koma inn í þennan leik á morgun hafandi ekki spilað leiki síðustu tvær vikur?
„Við erum búnir að æfa vel og það er engin breyting á því. Það er fínt að fá smá frí og fá gott recovery fyrir þennan leik, vera 100% klár í hann," sagði Kári.
Hann var í upphafi viðtalsins spurður út í komu Birnis og í lok viðtals spurður út í landsliðið. Viðtal við Sölva Geir má sjá hér að neðan.
Athugasemdir
