Milan Stefán Jankovic, þjálfari Grindvíkinga, var að vonum ánægður með 0-1 sigur á Haukum í fyrstu deildinni í kvöld.
,,Ég er ánægður með þrjú stig. Spilamennskan var ekki alveg eins og ég vildi hafa hana, en það skiptir máli að fá þrjú stig gegn erfiðu liði eins og Haukaliðinu," sagði Milan Stefán.
,,Bara smá, við erum vanir þessu í Grindavík. Það var vindur, við skorum fyrir hálfleik og reyndum að koma til baka sem er ekki alveg okkar skipulag. Við ætlum að pressa framarlega en sem betur fer tókst þetta."
,,Þegar við skoruðum fyrsta markið, þá ætluðum við að detta til baka og nota fljótu mennina frammi eins og Magnús og Juraj og Óla Baldur sem kom inn á í seinni hálfleik. Þetta voru tvö jöfn lið, baráttulið. Við unnum 1-0, en það þýðir ekki að við höfum verið betri, þetta datt bara með okkur," sagði Milan ennfremur.
Hægt er að sjá viðtalið í heild sinni hér að ofan.
