Valgeir Lunddal ekki með í leiknum á morgun

Valgeir Lunddal verður ekki með íslenska landsliðinu í fyrri leiknum gegn Kósovó á morgun en hann er að stíga upp úr meiðslum.

Arnar Gunnlaugsson landsliðsþjálfari segir að leikurinn á morgun komi aðeins of snemma fyrir Valgeir en hann ferðaðist þó með til Kósovó og vonast er til að hann geti tekið þátt í seinni leiknum, sem verður í Murcia á sunnudaginn.

Arnar greindi frá þessu á fréttamannafundi í Pristina en honum var að ljúka.

„Valgeir er ekki klár á morgun þó hann hafi æft mjög vel í dag. Við metum það svo að við verðum frekar með hann kláran fyrir leikinn á sunnudaginn," sagði Arnar.