Pochettino á radar Man Utd og Bayern - McKenna orðaður við Chelsea - Slot við Kökcu til Liverpool
banner
   sun 20. nóvember 2022 07:00
Elvar Geir Magnússon
Leikvangur í nærmynd: Tjald í eyðimörkinni
Al Bayt leikvangurinn
Al Bayt leikvangurinn tekur 60 þúsund áhorfendur.
Al Bayt leikvangurinn tekur 60 þúsund áhorfendur.
Mynd: Getty Images
Í dag fer opnunarleikur HM fram þegar gestgjafar Katar taka á móti Ekvador á Al Bayt leikvangnum. Fótbolti.net ætlar að skoða leikvanga mótsins í nærmynd og vel við hæfi að hefja leik á tjaldinu í eyðimörkinni.

Al Bayt leikvangurinn er hannaður eftir tjöldum innfæddra á Arabíuskaganum og tekur hann 60 þúsund áhorfendur. Sjö af átta leikvöngum HM voru sérstaklega byggðir fyrir mótið og Al Bayt er einn af þeim.

Níu leikir á mótinu verða spilaðir á leikvangnum, þar á meðal opnunarleikurinn og seinni undanúrslitaleikurinn.

Völlurinn er með færanlegu þaki auk þess sem hluti vallarins er lúxushótel með herbergi sem hafa útsýni yfir leikvöllinn.

Að HM loknu verður efri hluti stúkunnar fjarlægður og áhorfendaplássið minnkar því um helming. Þess í stað verður hótel- og verslunarrými aukið.

Taktu flugið í skoðunarferð um Al Bayt leikvanginn:


Kynningarmyndband vallarins:

Athugasemdir
banner
banner
banner
banner