Fóboltakonan Nadia Nadim heldur áfram að vera mikil fyrirmynd fyrir alla.
Nadim er leikmaður Racing Louisville FC í Bandaríkjunum og einnig á hún 99 landsleiki fyrir Danmörku. Hún hefur verið ein besta fótboltakona í heimi síðustu árin.
Hún hefur gengið í gegnum margt á ævinni. Hún fæddist í Afganistan. Talíbanar bönnuðu henni að fara í skóla þegar hún var 11 ára gömul og myrtu síðar föður hennar. Móðir hennar hjálpaði henni og fjórum systrum hennar frá Afganistan. Í flóttamannabúðum í Danmörku varð Nadim svo ástfangin af fótbolta.
Það er hins vegar ekki bara á fótboltavellinum, þar sem Nadim gerir það gott. Fyrir nokkrum dögum síðan var hún að klára erfitt nám. Hún er útskrifuð sem læknir. Í viðtali við Guardian í fyrra sagðist hún vera að læra að verða skurðlæknir sem sérhæfir sig í líkamsendurbyggingu (e. reconstructive surgeon). Hún mun þannig til dæmis hjálpa fólki sem lendir í bílslysi eða í sprengingu.
„Ég veit gildi þess að hjálpa fólki þegar það á enga von. Öll sú hjálp sem ég fékk í lífinu gerði mig að þeirri manneskju sem ég er í dag. Það getur verið erfitt fyrir fólk sem slasast alvarlega á andliti í sprengingu að vera til. Ég vil hjálpa," sagði Nadim sem er núna útskrifuð.
Ákaflega mikil fyrirmynd - fyrir alla - eins og áður segir.
Nadia Nadim fled Afghanistan when she was 11 after her father was killed. She speaks 11 languages, played for PSG and Man City, has scored 200 goals, represented Denmark 99 times, and after 5 years of studying while playing football, she has qualified to become a doctor. pic.twitter.com/yeC44vOIBT
— Women Posting W's (@womenpostingws) January 19, 2022
Athugasemdir