Klopp ætlar ekki að fylgjast með stöðunni í öðrum leikjum

Liverpool vann 7-0 sigur gegn Crystal Palace fyrr á leiktíðinni en liðin mætast aftur í lokaumferð ensku úrvalsdeildarinnar. Það má segja að Liverpool sé með málin í sínum höndum í baráttunni um Meistaradeildarsæti.

Allar líkur eru á því að Liverpool innsigli Meistaradeildarsætið með sigri á sunnudag. Til að koma í veg fyrir það þarf Chelsea að vinna Aston Villa og Leicester að vinna stórsigur á Tottenham.

Jurgen Klopp stjóri Liverpool segist ekki ætla að fylgjast með gangi mála í hinum leikjunum þar sem örlögin séu í eigin höndum.