„Við áttum betri leik á móti Stjörnunni, í dag mættum við ekki nægilega vel til leiks. Heilt yfir er ég mjög ánægður með þessa tvo leiki, og þessar tvær vikur," sagði Túfa, aðstoðarþjálfari Vals, eftir jafntefli við Breiðablik í Bose-mótinu.

Valur var 2-0 undir eftir 15 mínútur eða svo, en leikurinn endaði með 3-3 jafntefli.

„Við vorum lengi í gang, ég fann það strax í upphitun. Kannski eru menn pínu þungir og þreyttir, þetta var annar leikurinn eftir 3-4 æfingar. Það skiptir máli að við komum til baka, það var mjög sterkt."

Heimir Guðjónsson, þjálfari Vals, er á Balí og stýrði Túfa liðinu í kvöld. Hann var aðalþjálfari Grindavíkur á síðustu leiktíð, en er nú orðinn aðstoðarþjálfari.

„Þegar þetta kom upp var ég mjög ákveðinn að fara í þetta dæmi með Heimi. Valur er stærsta félag á landi. Þetta skref fram á við á mínum þjálfaraferli."

Valur hafnaði í sjötta sæti Pepsi Max-deildarinnar síðasta sumar eftir að hafa orðið Íslandsmeistarar tvö árin þar á undan.

„Það vantar ekki gæðin, þetta er stór og flottur hópur - flottir karakterar líka. Það kemur alltaf svona eitt ár sem er 'down' eftir svona mikla sigursæld. Það gerist hjá öllum liðum. Okkar verkefni er að rífa þetta upp og ég tel leikmenn klára í það."

Viðtalið er hér að ofan.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit