Georgía og Tékkland eigast við í fyrsta leik dagsins á Evrópumótinu og er um hörkuleik að ræða hér í dag.
Bæði lið þurfa á sigri að halda eftir tap í fyrstu umferð riðlakeppninnar, þar sem Georgía réði ekki við Tyrkland á meðan Tékkar töpuðu gegn Portúgal sem skoraði sigurmark í uppbótartíma.
Willy Sagnol gerir eina breytingu á byrjunarliði Georgíu sem tapaði í fyrstu umferð, þar sem Zuriko Davitashvili, leikmaður Bordeaux, kemur inn á miðjuna fyrir Giorgi Chakvetadze, leikmann Watford.
Ivan Hasek gerir þrjár breytingar á tékkneska liðinu, þar sem hinir öflugu Adam Hlozek, Vaclav Cerny og David Jurasek koma inn í byrjunarliðið.
Þá breyta Tékkar um uppstillingu og mæta til leiks með þriggja manna sóknarlínu, þar sem Cerny og Hlozek leiða línurnar ásamt Patrick Schick.
Georgía: Mamardashvili, Kvirkvelia, Kashia, Dvali, Tsitalshvili, Davitashvili, Mekvabishvili, Kochorashvili, Kakabadze, Mikautadze, Kvaratskhelia
Tékkland: Stanek, Holes, Hranac, Krejci, Coufal, Provod, Soucek, Jurasek, Cerny, Hlozek, Schick
Athugasemdir