„Hey já! Við gleymdum að segja ykkur frá sumargjöfinni!
Hilmar Árni Halldórsson hefur skrifað undir nýjan samning til þriggja ára," segir í tilkynningu Stjörnunnar.

Þetta eru frábærar fréttir fyrir Stjörnufólk þar sem Hilmar hefur verið einn besti leikmaður Pepsi Max-deildarinnar undanfarin ár og afskaplega drjúgur fyrir Stjörnuna.

Hilmar er uppalinn í Leikni en hann gekk í raðir Stjörnunnar fyrir tímabilið 2016. Honum líður vel í Garðabænum og hann verður þar áfram næstu árin.

Stjörnunni er spáð sjötta sæti í Pepsi Max-deildinni hjá okkur á Fótbolta.net og Hilmar er talinn einn af lykilmönnum liðsins. „Hilmar Árni er einn allra besti leikmaður deildarinnar. Baneitraður í föstum leikatriðum og með mikla tækni og fótboltagreind. Leikmaður sem gerir gæfumuninn aftur og aftur," segir í umsögn um Hilmar.