Erling Haaland kom ekkert við sögu í fyrsta leik Manchester City á undirbúningstímabilinu gegn Club America. Þessi 22 ára gamli framherji gekk til liðs við félagið frá Dortmund í sumar.
City tekur á móti Bayern Munchen í kvöld en Pep Guardiola stjóri enska liðsins segir að af öllu óbreyttu mun Haaland spila í kvöld.
„Ef það er ekkert að honum á æfingu í dag og hann dettur ekki úr rúminu og ökklabrotnar mun hann spila," sagði Guardiola.
Guardiola er ánægður með andann í hópnum en hann segist hafa misst góða leikmenn bæði innan sem utanvallar í Gabriel Jesus, Oleksandr Zinchenko og Raheem Sterling en Jesus og Zinchenko fóru til Arsenal og Sterling til Chelsea.
Athugasemdir