Brynjólfur Willumsson.
Brynjólfur Willumsson er að ganga í raðir Groningen í Hollandi frá Kristiansund í Noregi.
Norski félagaskiptasérfræðingurinn Stian André de Wahl greinir frá þessu.
Norski félagaskiptasérfræðingurinn Stian André de Wahl greinir frá þessu.
Það er samkomulag í höfn á milli félaganna um skipti Brynjólfs til Hollands.
Brynjólfur er sjálfur búinn að samþykkja þriggja ára samning hjá Groningen en hann mun fylgja í fótspor bróður síns með því að fara til Hollands. Willum Þór Willumsson leikur með Go Ahead Eagles.
Brynjólfur, sem er 23 ára gamall, hefur leikið með Kristiansund í Noregi frá 2021 en þar áður var hann hjá Breiðabliki.
Groningen hafnaði í öðru sæti hollensku B-deildarinnar á nýliðnu tímabili og leikur í úrvalsdeildinni á því næsta.
Athugasemdir
